يمكن تستغربوا من العنوان بس الصراحة حركة كثير من الشباب قاهرتني
لو تطلعوا في الشارع العام المساء الساعة 9 ونص فما فوق شوفوا الجوانب
سيارات كثيرة موقفة والشباب ما شاء الله عليهم رامسين على سوالف وورقة!!
ما هنا المشكلة ..المشكلة لو واحد حاب يتفادى حادث وين يروح!!! او افترت عليه السيارة بالذمة هالشباب ما بيكونوا في خطر ؟؟!!
من فترة بسيطة صاير حادث واحد خاطف على اكثر من سيارة موقفين سياراتهم في الرصيف..!!
انا اقولكم هالكلام لأني توني مناقشة الموضوع مع ابوي واحنه راجعين لما شفت الحالة وهالشي ذكرني برمضان عاد بعد الفطور ماشي رصيف على طول الشارع سيارات واقفه وجنبها شباب بكراسيهم ويسولفوا ويلعبوا!!
ورمضان على الابواب ما نريد حوادث تكون أسبابها اهمال او تساهل وأنا بصراحة أتمنى الشرطة تخالفهم عشان يتأدبوا ويوقفوا برى الشارع ولا تقولولي ماشي مكان والله ورى الشارع ارض فاضية..
السموحة لو طولت عليكم بس
انتو ايش رايكم في الموضوع؟
مواقع النشر (المفضلة)