بسم الله الرحمن الرحيم والصلاة والسلام على اشرف خلق الله محمد بن عبدالله الصادق الامين








اهلا بكم إخواني واخواتي في باصنا باص رمسات واعذروني على إستخدام كلمة باص ولكنه متداول ويفترض ان نستخدم إسم حافلة ولكن للسهولة والسرعة سنستخدم إسم باص ...
نبدا رحلتنا بعد تاجيلها من الاسبوع الماضي .. ونأمل ان تستمعوا بهذه الرحلة التي سنطوف بها أرجاء السلطنة لمعرفة جوانب كثيرة في بلادنا الحبيبة والتعرف على ملامحها اكثر وأكثر .. وإن شاء الله ستكون رحلة ممتعة ومشوقة واللي عنده معلومات عن أي ولاية أو أي منطقة لايبخل علينا ..
وعاد اللي نوصل ولايته ايضا مانحب نكثر عليه بس زين يعزمنا عنده ..ههههه .ترانا ماواجدين ومابنخسره واجد ...
ونطمنكم الباص فيه مكيف سوبر ديلوكس رقم واحد ....
وكل واحد يجلس في المكان اللي يعجبه .. ماعدا الكرسي اللي خلف الباب مباشرة تراه هذا محجوز حق حبوتنا .. عشوقة وياويله اللي يجلس مكانها ..ههههه
شروطنا .. لاتوجد شروط محددة فقط الإلتزام بآداب الطريق .. وعدم رمي الأوساخ من النافذة إلى الشارع للمحافظة على بلادنا جميلة ونظيفة .. ونطي أيضا إنطباع طيب عن باص رمسات ..
صح نسيت .... ياريت احد منكم المبدعين حق الفوتوشوب يكتب لنا على الباص بخط حلو باص رمسات ...

أمممممم ايضا عن الفوضى الزايدة تراه عندنا كبار في السن ولازم نحترمها وإلا تراه ماشغلها حبوووه القب جاهز وعاد يتحمل شغله الواحد ....زين فهمت ليريوات ....وإلا نعيد ..هههههه ...
ويوم ننزل في مكان عن الضرابة ترانا مافينا نكفل احد من مراكز الشرطة ... ومن السجون ..هههه
الباص الثلث الامامي للشباب والباقي كله حق البنات ..
وكاني أشوف هناك ملاس وصفرية حق شو هذا جايبينه .... ومخلينه في الكرسي الأخير ..أممممم . اكيد هذا حق البنات ..

وعاد مانوصيكم كل واحد يجيب معه لزوم الرحلات والمبيت في الخارج .. بس في مسقط اكثر شي ماراح يكون شي مبيت ورحلتنا نحاول إنها تكون متواصلة .. هذا يعتمد على السائق عن ينود علينا ... ههههههه
وكل واحد ياخذ معه شوية فلوس إذا يريد يشتري شئ ترانا مانسلف أحد ..ههههه
وايضا بطاقاتكم الشخصية لاتنسوها ..
وكاميراتكم ...
وأيضا نحب ناكد عليكم .. بخصوص التفاعل والمعلومات والصور عن الولايات اللي بنزورها ... لا احد يستحي تراه الباص باصكم ... ونريد الجميع يشارك ..
وتراه الأخت الروح عندها مسابقات وألغاز ...

أتأكد من الحضور اللي عندي في القائمة ونتمنى ماحد يتأخر أو مايشارك معنا تراه كل شئ محسوب ...
((((( مديرنا سعيد العامري .... إحساس القلوب ... غلا زايد .... جروح لاتنطفئ ... بلسم الروح ... الروح .. نور الإيمان..... βŕeşţij©UAE... عاشقة السلطنة .. عماني وافتخر .. ملامح امل .. الكتمان .. ليريوات.com .... تاج الغلا ... شوق عمان ... حصر الحلا .. مغرورة وبكيفي ... ريتاج القلب .. ياسمين ...))))
وطبعا محدثكم .. العرندس وسائقنا الهمام جراح البطل
أتمنى إن شاء الله مانسيت احد واللي بيزيد معنا ياحياه الله .. مرحبا به ...



راح نبدا رحلتنا إن شاء الله في محافظة مسقط وبالضبط في عاصمتنا الجميلة مسقط .. الحركة راح تكون من أمام المواقف اللي في شارع الوزارات في الخوير اللي عند الساعة الإلكترونية للألعاب الشاطئية .. عرفتوها .. وعاد عن التاخير راح نتحرك الساعة 7 مساءا لهذا اليوم .....