عاد الله يسلمكم بخبركم عن سالفة فتوح ام كشة وبي بييه مالها,,,بيكون تعرفوها فتوح هذيك الدغما بو ما بغت ولدي عشان اسمه جمعة:icons_enm01 (7):
المهم يا عيالي ذاك اليوم سرنا انا وجمعان وخطفنا على مريوم شليناها معنا رايحين نزور حرمة اخوي سعادة أم سويدة الوجه فتوح:skeptical:
مسيكينة وحليلها الحرمة عويقة شوية قلنا نشرف عليها:gz-ramsat16:
المهم عاد يوم وصلنا البيت جموع راح عنا وانا مريوم دخلنا صوب سعادة لقيناها نايمة وحدها مسيكينة في الصالة وماحد جالس عندها وهي حرمة مريضة:gz-ramsat3:
سلمنا عليها وجلسنا معها عاد يوم سألتها عن فتوح وحالمووو مخلتنها وحدها قالتلي عوين فتوح في حجرتها عاد صارلها بيكون شهر ما تطلع تجلس معهم عوين مشغولة:gz-ramsat123:
ما اعرف مو ذا المنكر بو شاغلنها عن اهلها:icons_th1 (8):
عاد انا قلت اروح اناديها تجي تجلس عندنا شوية :gz-ramsat111:
دقيت الباب لين تكسرن صبوعي ما فتحت ولا ردت:gz-ramsat27:
وحدي ما حرصتها سيدة دخلت ولقيت البنت متيبسة ماشي يتحرك فيها غير صبوعها وعيونها:icons_enm01 (10):
قلتلها فتوووح:gz-ramsat112: ما ردت:gz-ramsat26: مرة ومرتين وثلاث ولهي الحالة قلت البنت فيها سقم:gz-ramsat16:
ونهمت مريوووم قلتلها يوووووووووووووووووووووووووومريوووووووووووووووووووم تعالي هنااا:gz-ramsat5:
جات مريوم مسيكينة تركض واندبغت عند الباب زين ما افتلعت:gz-ramsat90:
كلمتها يووو بنتي فتوووح مو فيش ما تردي:gz-ramsat133:
ما ردت عليها وذيلاك الصبوع يتحركن والعيون يترقصن وما اعرفها مو حاطة في ذنينها:gz-ramsat131: وشوية تضحك وشوية تسكت أظن البنية جنت
عاد مريوووم ما سوتلها سالفة راحت صوبها وشلت التلفون من يدها عاد هنا البنت طشت كنه لادغنها حنش اوين انتوا كيف دخلتوا هنا ومن سمحلكم:gz-ramsat94::gz-ramsat9:
قالتلها مريوووم..وابوي عليش وابوي سويدة الوجه تعالي ضربينا بالمرة هذا جزاتنا خايفين عليش قلنا البنت مريضة نجي نشوفها خطفي قدامي اشوف جلسي مع امش والا تو بسقيش بهالخيزرانة امش مريضة ترريد اللي يساعدها وانتي خاشتيلي في حجرتش:icons_enm01 (7)::icons_enm01 (7)::icons_enm01 (7)::icons_enm01 (7):
عاد تعرفوها فتوح ام لسان ما يحتاج اخبركم عنها تبقبقت لين قالت بس لكن طبعا ما يخفى عليكم ان العجوز مريم ماحد يروم عليها خلتها تروح غصب عن خشمها الصالة:gz-ramsat59:
لكن اسميها من دخلت الصالة وهي مصدعتنا معنا وما معنا نعم صبوعها ملزقات في ذاك التلفون وكل شوية طرن وطرن لوعتلنا كبودنا وكل ما نقولها شي لازم نعيده مية مرة عشان تسمع:icons_oi1 (7):
عاد مريوم ارتفع ضغطها ولوحت عليها بزنوبة جاتها سيدة في الراس قالتلها خطفي من قدامي اشوفش لا اللحين اكسر هالمنكر بو ماسكتنه فوق راسش:icons_enm01 (7)::icons_enm01 (7)::icons_enm01 (7):
وراحت فتوح ام كشة كالعادة وهي تتبقبق وخبرتنا سعادة ان البنت من اشترت هالتلفون ماشي غير ماسكتنه لا متفيقة تاكل ولا متفيقة تطلع حتى يوم تجلس مع الاوادم تجلس على صوب وتخاسي هالعلة البي بيه مالها
قلنا عسى ربي يهديها ويهدي هالشباب بو هالتلفون طفرلهم بعقولهم وعيونهم وبعدهم عن اهلهم واصحابهم..:icons_icet4 (10):
المهم جلسنا مع سعادة وسليناها وبعدين جانا جموع وشلنا في الطريق خبرناه عن فتوح قال يو ماااه ما فتوح وبس بو كذا حالتها تعالي السوق والمراكز بتشوفي الخير حتى الشياب والجهالوه عندهم وكل واحد يمشي ويدعم مرة جدار ومرة يندبغ والدنيا ماشية..الله يصلحهم..
بس يا عيالي هذي قصتنا مع البي بي والمرة الجاية ان شاء الله نشوفكم من خروفة جديدة تتكلم اكيد عن قضية جديدة:icons_uu1 (10):
حبوتكم مورة:gz-ramsat59:
حبوتكم مريم:gz-ramsat6:
:icons_uu1 (10):